യുഎഇ റോഡ് ഷോ സംഘടിപ്പിച്ചു

കൊച്ചി: യുഎഇയിലെ ഉം അൽ ക്വയ്‌ൻ ഫ്രീ ട്രേഡ് സോൺ സംബന്ധിച്ചും സേവനങ്ങളെയും സൗകര്യങ്ങളെ യും കുറിച്ചും കൂടുതൽ അറിവ് പകരുന്നതിനായി “സ്കെയിൽ അപ് ഇൻ ദി യുഎഇ” എന്ന പേരിൽ കൊച്ചിയിലും തിരുവനന്തപുരത്തും റോഡ് ഷോ സംഘടിപ്പിച്ചു.

ഫിക്കിയുടെ സഹകരണത്തോടെ കേരള സ്റ്റാർട്ടപ്പ് മിഷൻ, സ്റ്റാർട്ട് അപ് ഇൻഫിനിറ്റി, സ്റ്റാർട്ട് അപ് മിഡിൽ ഈസ്റ്റ്, യുഎക്യു ഫ്രീ ട്രേഡ് സോൺ എന്നിവരുടെ പിന്തുണയോടെയാണ് റോഡ് ഷോ സംഘടിപ്പിച്ചത്. കൊച്ചിയിൽ നടന്ന പരിപാടിയിൽ സ്റ്റാർട്ട് അപ്പ് മിഡിൽ ഈസ്റ്റ് സിഇഒ സിബി സുധാകരൻ കെ എസ് യു എമ്മിന്റെ സ്റ്റാർട്ട് അപ് ഇൻഫിനിറ്റിയുടെ ദുബായ് പ്രോജക്റ്റ് സംബന്ധിച്ച് വിശദീകരിച്ചു.

യുഎക്യു ഫ്രീ ട്രേഡ് സോൺ ജനറൽ മാനേജർ ജോൺസൺ ജോർജ് ഫ്രീ ട്രേഡ് സോണിനെ കുറിച്ച് സംസാരിച്ചു. തിരുവനന്തപുരത്തും കൊച്ചിയിലും നടന്ന റോഡ് ഷോയിൽ ഫിക്കിയെ പ്രതിനിധീകരിച്ച് സോമതീരം ആയുർവേദ ഗ്രൂപ്പ് മാനേജിംഗ് ഡയറക്ടർ ബേബി മാത്യു സോമതീരം, സാവിയോ മാത്യു എന്നിവർ പങ്കെടുത്തു.